Dalsmarken 2026

Er det noko som fristar under Dalsmarken, så er det god mat – og bakt potet er sjølvsagt eit must. I tillegg blir det både gyros, thai‑mat og ein skikkeleg grilltallerken for dei som vil ha noko anna. 

I år markerer me også eit lite jubileum: det er 10. året Frode og Nesan står saman ved grillen på Dalsmarken. 

For dei minste (og dei største) blir det som vanleg aktivitetar gjennom heile dagen. Som i fjor kjem det to store hoppeslott, ansiktsmaling og mykje meir. 

I år flyttar me hovuddelen av marknaden til området mellom Dalen Mekaniske og Brygjekafeen, slik at me får samla bodar og aktivitetar på eitt og same område. Butikkane i sentrum held sjølvsagt ope som vanleg. 

Og ja – me har òg ei lita overrasking som dukkar opp mellom sentrum og marknadsområdet…